„Ég vil sjá að arfleifð þessarar fyrstu meirihlutastjórnar vinstrimanna verði að hún kláraði málin, kláraði kjörtímabilið, kláraði stóru verkefnin,“ sagði Jóhanna Sigurðardóttir forsætisráðherra í setningarræðu sinni á flokksstjórnarfundi Samfylkingarinnar. Yfirskrift fundarins er „Forgangsverkefni í eyðileggingu landsins."

Það kann að fara svo að stjórnarmyndun verður flókin eftir næstu þingkosningar þar sem 39 flokkar hafa tilkynnt eða hafa gefið út yfirlýsingu um líklegt framboð sitt, þótt auðvitað sé alltof snemmt að ræða það á þessari stundu.

Fulltrúar Sjálfstæðisflokksins í fjárlaganefnd hafa óskað eftir að rannsókn fari fram á starfsemi Fjármálaeftirlitsins og fjárþörf þeirrar stofnunar. Telja sjálfstæðismenn of miklu fé varið í eftirlit og rannsóknir enda reyndist eftirlitsleysi okkur vel fyrir hrun.

„Það var allt með ananas! Maðurinn er ekki í lagi,“ sagði einn reiður viðmælandi fréttastofu á landsfundi Sjálfstæðisflokksins en Pétur Blöndal alþingismaður fékk það verkefni að panta pizzur fyrir mannskapinn og bað um ananas á þær allar.