Fyrr á árinu fór ég í gamla bíóið mitt, Austurbæjarbíó, til að sjá leikritið Alvöru menn. Leikritið er endurgerð kvikmyndarinnar Real Men, sem ég sá einnig í sama sal fyrir nokkrum áratugum. Þar fer John heitinn Ritter á kostum í hlutverki kveifarlega fjölskylduföðurins Bob, sem Jim Belushi dregur nauðugan í hlutverk nýlátins CIA útsendara vegna þess hve líkir þeir eru.

Áramótaskaupið var óvenju gott í ár. Það er ljóst að fréttastofa RÚV hefur lagt hart að sér þetta árið og sú nýbreytni að hafa skaupið í tvennu lagi og sýna það fyrr á gamlárskvöld en áður hefur verði kom vel út. Mikil áhætta var tekin með því að skipta sérstaklega á milli gríns um innlenda og erlenda viðburði ársins en hún borgaði sig þegar upp var staðið.