Vigdís Hauksdóttir alþingismaður og aðstoðarmaður Jókersins setti nýtt Íslandsmet í Counterstrike, þegar hún sýndi snilldarleik og vék sér undan hverri skothríðinni á fætur annarri. Þegar andstæðingar hennar sökuðu hana um að hafa rangt við sagðist hún finna kúkafýlu sem væri sko ekki hennar eigin og snéri svo öllu bara upp í djók og gerði broskall og lol og allt varð gott aftur.

Nýr þjálfari íslenska handboltalandsliðsins, Adolf Ingi Erlingsson hefur komið með ýmsar nýjar reglur sem ætlað er að auka agann hjá liðinu. Leikmenn liðsins segja að flestar reglurnar virki hvetjandi, en þeir séu skíthræddir við að fara í sturtu eftir tapleiki.

Mikill vatnselgur er á höfuðborgarsvæðinu og á Sandskeiði og eru vegfarendur beðnir að sýna aðgát á þessum leiðum.

Leikarinn Jackie Chan var fluttur á sjúkrahús um síðustu helgi eftir að ölvaður njörður með mikilmennskubrjálaði réðst á hann með öflugu karate höggi. Bardagahetjan er búinn að jafna sig eftir atvikið og hyggur á hefndir.